Dentro das oportunidades que brindamos ós membros de Afiador figura a posibilidade de ser tutelado por algún dos corpos técnicos dos clubes conveniados para vivir os adestramentos dende dentro e fortalecer a experiencia. Aqueles soci@s que desexen desfrutar dese aprendizaxe, profundizando, dende dentro, no traballo dos grandes adestradores cos que contamos na nosa provincia, poden facer a solicitude, a través do botón que habilitamos máis abaixo, antes do día 25 de abril. Unha vez recibidas as solicitudes, dende Afiador, porémonos en contacto cos interesados para coordinar, antes da finalización da tempada e sempre atendendo ás demandas da dirección deportiva ou do Corpo Técnico no que exista interese, os días e as franxas horarias nas que poderedes acompañar e vivir dende preto as sesións de adestramento. Recordar que Ourense CF, CD Arenteiro e Unión Deportiva Ourense exercítanse pola mañá. UD Barbadás, Pabellón CF, Escola de Porteiros de Pato e OnTime FSF teñen sesións de tarde.
